پہلا نشہ

میں تو اپنی جگہ کھڑا تھا مگر آس پاس کا سارا ماحول گھومنے لگا جیسے 3D ایفیکٹ کی فلم ! دوستوں کا ہنسی مذاق، شور شرابہ اور میں بھی مسکراتا رہا پھر اچانک اپنے آپ میں بے چینی محسوس ہوئی اور زمین پر دھڑام سے گر پڑا، دوستوں نے جلدی سے مجھے سنبھالا، چائے پلائی ـ جب تھوڑا ہوش سنبھالا تو اجازت چاہا کہ اب مجھے واپس اپنے فلیٹ جانا ہے مگر دوستوں نے منع کیا اس حالت میں نہ جا سویرے چلے جانا ـ کل سویرے آٹھ بجے آفس میں ہونا چاہئیے اور کیسے ممکن ہے صبح دبئی سے شارجہ واپس آنا کیونکہ ٹریفک کا بے تحاشہ اژدھام ـ اپنی نوکری کی فکر تھی کیونکہ جوابدہی کا کام ہے، دوستوں کو بتائے بغیر نکل پڑا، لڑ کھڑاتے قدموں سے لفٹ میں داخل ہوتے ہی نیچے بیٹھ گیا، بلڈنگ سے باہر آیا تو زبردست قئے ہوا، دوست بہت یاد آرہے تھے کہ انہیں بتائے بغیر چلا آیا ـ آج ہمارا ہمشہری دوست انڈیا واپس جا رہا ہے جس کیلئے ہم نے الوداعی پارٹی کا اہتمام کیا اور سب دوست جانتے ہیں میں نے بیئر کے سوا آج تک کسی اور شراب کو ہاتھ نہیں لگایا ـ اس پارٹی میں پتہ نہیں کس ظالم نے Orange جوس میں شراب گھول دیا اور سب پی کر ٹن ہوگئے ـ دوسرے دن اپنے روم میٹ کا شکریہ ادا کیا کہ مجھے سلامتی سے واپس لے آیا مگر یہ جانکر حیرت ہوئی صبح تین بجے میں خود واپس آگیا تھا! پتہ نہیں کیسے آیا اور کب سویا صرف اتنا یاد ہے ٹیکسی میں بیٹھنے کے بعد ڈرائیور سے کہا تھا شارجہ لے چلو ـ جب دوستوں سے اپنی گذشتہ رات والی کیفیت بیان کیا تو سب ہنستے ہوئے لوٹ پوٹ ہوگئے، میرا مذاق اڑایا بچہ اب جوان ہوگیا کہ پہلی بار نشہ کر گیا ـ پتہ چلا Orange جوس میں VODKA شامل تھا جو کہ برفیلے ملکوں کا پسندیدہ مشروب ہے اور سو فیصد الکوحل ہے ـ