طوفانی بارش
پھر پسینے میں بھیگنے کا موسم لوٹ آیا، ہنسی خوشی کے دن خلاص، باہر نکلنا جیسے اپنے آپ کو عذاب میں مبتلا کرنے کے برابر، آفس سے گھر اور گھر سے آفس یہ بھی کسی عذاب سے کم نہیں؟ اوپر سے تیز گرم ہوائیں جیسے یہ شہر تندور میں پک رہا ہو!
مجھ جیسوں کو یہاں کی گرمی ناقابلِ برداشت ہے مگر سمجھ میں نہیں آتا یہاں مقیم یوروپ اور امریکی عوام کیسے برداشت کرتے ہوں گے؟ دس منٹ باہر پیدل نکلیں تو واپسی پر پسینے میں ایسے نظر آتے ہیں جیسے بارش میں خوب بھیگ چکے ہوں ـ افریقی علاقہ صحرا کے بعد شاید امارات دوسرے نمبر پر ہے، یہاں کی گرمی میں جسم سے دھواں نکلتا ہے، ناک سے خون ٹپکتا ہے اور وغیرہ ـ
گذشتہ سال جنوب ایشیاء میں جب سونامی آیا، تب یہاں بھی ایک ننھا سا سونامی ہوگیا، سمندر کا پانی سڑکوں پر آگیا اور پھر پورا امارات سرد ہوچکا تھا ـ دنیا بھر سے یہاں مقیم لاکھوں لوگ اسوقت گرمی میں تپ رہے ہیں ـ دنیا والوں! کہیں طوفانی بارش نظر آئے تو ہوا کا رخ امارات کیجانب کردینا ہم سب مشکور رہیں گے ـ
Posted by kikck