کروڑوں کی تعداد

ہمارا روایتی خط نستعلیق خط و کتابت یا پھر پبلیشنگ کیلئے ٹھیک ہے اگر اپنی رائے دوں تو بہتر ہے الیکٹرونک میڈیا کیلئے ہم اردو الفاظوں کو عربی کی طرح ہی لکھیں تاکہ اردو کیلئے کچھ نہ کچھ پیش رفت ہو کیونکہ اسوقت میکروسافٹ کے علاوہ دنیا بھر کی کئی سافٹویئر کمپنیوں نے ملکر بالآخر عربی زبان کیلئے بہت کچھ کیا ہے اور کر رہے ہیں ـ عربی تحریر میں چند اردو حرفوں کا اضافہ کرلیا جائے تو اردو بھی الیکٹرونک میڈیا پر چھا جائے گی ـ آج دنیا بھر میں ضروریات کے جتنے بھی کمپیوٹر سافٹویئرس موجود ہیں وہ سب عربی زبان میں بھی دستیاب ہیں ـ انٹرنیٹ پر اردو کو نستعلیق سے لکھنے میں کامیاب ہوجائیں تب بھی دقت ہے کیونکہ اردو الفاظ ملے جلے، اوپر سے نیچے اور آڑھے تیڑھے ہوتے ہیں ـ بہت اچھا رہے گا اگر کمپیوٹر سافٹویئر کی کمپنیاں جو عربی زبان کیلئے کام رہے ہیں، اردو زبان کو بھی شامل کرلیں ویسے اردو ڈکشنری بھی دستیاب ہے، اور دنیا بھر میں اردو زبان استعمال کرنے والوں کی تعداد کروڑوں ہے مگر، شاید سرمایہ دار بھی ہونا چاہئے؟