با برکت گیمز
سوچ نہیں سکتا پھر بھی محسوس ہوتا ہے جیسے پیدا ہوتے ہی کمپیوٹر گیمز کھیلنا شروع کردیا تھا ـ مختلف گیمز کے تمام لیولز کو تقریبا دس پندرہ مرتبہ تمام کردیا، یاد نہیں آتا ایسا کونسا کمپیوٹر گیم ہے جسے میں جانتا نہیں، مختلف کمپنیوں کے مختلف گیمز کو بار بار خوب مزے لیکر کھیلا، فی الحال کمپیوٹر گیمز کھیلنے میں بوریت محسوس ہو رہی ہے ـ روزانہ رات کا کھانا کھالینے کے بعد جب سب ٹی وی دیکھنے بیٹھتے ہیں اور میں کمپیوٹر پر گیمز کھیلنے میں مگن بالکل ایسے جیسے چند لوگوں کو کھانا کھاتے ہی سگریٹ پینا ضروری ہے ـ اب جب کمپیوٹر گیمز سے بوریت ہو رہی ہے؟ فی الحال بلاگ کیلئے مختلف ٹمپلیٹ بنانے کا چسکہ لگ گیا ہے ـ آفس میں کام کے دوران انٹرنیٹ کی مختلف سائٹس سے HTML اور JAVA سکرپٹ سیکھ رہا ہوں، تمام سکرپٹس کو فلاپی میں کاپی کرلینے کے بعد رات کو اپنے کمرے میں کمپیوٹر پر تجربے کرتا ہوں، بہت مزہ آرہا ہے کیونکہ کچھ نیا سیکھ رہا ہوں ویسے بیچارے کے پاس انٹرنیٹ کنیکشن نہیں ہے، مجبوری ہے کیونکہ ہر ہفتے شہر در شہر کام کے سلسلے میں سفر کرنا پڑتا ہے ـ اب ٹمپلیٹس بناتے بناتے بھی بور ہوچکا ہوں، ضرورت ہے ایک ایسے کمپیوٹر گیم کی جس میں بہت برکت ہو اور اتنا مشکل ہو کہ ہر ایک مرحلے سے گذرنے کیلئے ایک ہفتہ لگے ـ
موسم بہت گرم ہے باہر نکلنا عذاب ہے اور گھر میں اے سی کی تھنڈی ہوا میں بیٹھ کر کمپیوٹر پر گیمز کھیلتے ہوئے بہت لطف آتا ہے ـ
آپ کے اوپر والے فقرا سے محسوس ہوتا ہے کہ آپ نوجوان ہیں ۔
Be cool and stay cool.
صحیح عمر 22 سال اور پاسپورٹ میں 24 سال
Posted by SHUAIB