ٹرن ٹرن ـ کال گرلز

موبائل فون میں بہت سارے رنگ ٹونز استعمال کئے جاتے ہیں، روایت ہے کہ فون رنگ کو ’’ٹرن ٹرن‘‘ ہی لکھا جاتا ہے ـ شہر میں شام ہوتے ہی کال گرلز کو فون کالیں آنا شروع ہوجاتی ہیں، شام ہونے کے بعد یہی لڑکیاں سب سے زیادہ مصروف دکھائی دیتی ہیں اور پریشان بھی کہ پہلے کس کالر کو اٹینڈ کریں ـ روپیہ پیسہ تو خوب ملتا ہے مگر بیچاریوں کی قسمت میں سکون نام کی چیز نہیں، رات بھر جاگنا اور پورا دن سوتے رہنا پھر شام پہر بیڈ سے اٹھتے ہی کرفیو کے عالم میں نہا دھوکر میک اپ کرلینے کے بعد سڑکوں پر اتر آتی ہیں ـ دولتمندوں کو، منیجروں کو، انجینئروں کو، مالکوں اور نوکروں کو، اربابِ اقتدار کو یہاں تک کہ معمولی مزدوروں کو بھی خوش کرنے پر تلی ہوئی یہ چھوکریاں اس بات پہ پرسکون رہتی ہیں کہ انہوں نے ہر ایک کو خوش کیا ہے اور کبھی کسی کا دل نہیں توڑا، کسی کو حقارت بھری نظروں سے نہیں دیکھا بلکہ ہر ایک کو ایک ہی نظر سے دیکھا ـ جھوٹی مسکراہٹ مگر صاف دل والیاں، ان میں بھید بھاؤ، ذات پات یا پھر مذہبی اختلافات جیسی بدکاریاں نہیں ہوتیں، مختلف ممالک سے آئی ہوئی یہ لڑکیاں ہر ایک کو خوش آمدید کہتی ہیں کسی سے نام، مذہب، ملک بالکل نہیں پوچھتیں ـ یہاں اکثر لوگ تھوڑی دیر سکون کیلئے انہیں کے پاس جاتے ہیں، مختلف ممالک سے یہاں مقیم بزنس مین یا پھر معمولی نوکری کرنیوالا، صبح سے شام تک کڑی محنت کرنے کے بعد، تن تنہا، اپنوں سے دور اجنبی شہر میں اگر کوئی حسینہ اسے دیکھ کر مسکرا دے تو وہ باغ باغ ہوجائے اور تھوڑی دیر کیلئے اپنے میں خوشی محسوس کرلے، مرجھے ہوئے چہرے پر ہلکی سی مسکراہٹ لے آئے ـ امارات کے کراؤن پرنس اور دبئی کے شیخ محمد نے ایک سوال کا جواب دیتے ہوئے میڈیا سے کہا تھا ’’امارات اسلامی ملک ہے مگر یہاں عالمی انسانی حقوق کی پاسداری بھی ہے اور دبئی کمرشیل کے علاوہ ایک ٹورسٹ شہر ہے، یہاں مختلف ممالک کے لاکھوں لوگ جو مختلف مذہبوں اور فرقوں سے تعلق رکھتے ہیں، روزی روٹی کیلئے قیام کرتے ہیں ـ اس لحاظ سے ہم عالمی انسانی حقوق کے تمام قوانین پر عمل پیرا ہیں اور رہی بات اسلامی ملک کی، یہاں پر شریعت صرف مسلم ممالک کے باشندوں پر نافذ ہے علاوہ ازیں یہاں ہر ایک کو اختیار ہے کہ وہ جو چاہے راستہ اختیار کرسکتا ہے، اچھا یا برا ـ چاہے وہ عبادت خانہ جائے یا میخانہ یہ انسان کی شخصیت پر منحصر ہےـ‘‘